Izvor fotografije: Shutterstock.com
ONEX Shipyards & Technologies Group, pod predsjedavajućim i glavnim direktorom, g. Panos Xenokostas-om, završila je u rekordnom roku rekonstrukciju i nadogradnju suvog doka br. 2 klase Panamax brodogradilišta Elefsina, jednog od najvećih brodogradilišta u Grčkoj.
Ovom rekonstrukcijom i nadogradnjom, brodogradilišta ONEX ponovno stavljaju u pogon jedno od najvažnijih sredstava brodogradilišta kako bi pružili nadograđene i kvalitetne usluge grčkoj trgovačkoj floti i grčkim brodovlasnicima.
Suvi dok broj 2 Panamax, brodogradilišta Elefsina, nazvan je “Stratis G. Andreadis” u čast utemeljivača ovog brodogradilišta, izvještavaju grčki mediji.
Vrijedno je napomenuti da je pristanište već dočekalo prvi brod za održavanje, što je 31. brod koji je Elefsina Shipyards dočekala nakon što ih je ponovo otvorio g. Panos Xenokostas.
Nakon modernizacije suvog doka Panamax u brodogradilištima Neorion Shipyards u vlasništvu ONEX-a, na ostrvu Syros, ova dva brodogradilišta će raditi kao jedno od najvećih brodogradilišta u istočnoj Evropi i Sredozemnom moru.
Suvi dok Panamax u brodogradilištima Elefsina je najmoderniji suvi dok u Grčkoj, sa pametnim sistemom upravljanja.
Suvi dok može da primi brodove veličine Panamax (A, Panamax brod ne može biti veći od 294,13 m dužine, 32,31 m širine i 12,04 m gaza. Prosječna nosivost ovih brodova je 65.000 tona).
Vrijedno je pomenuti i to, da je ovaj suvi dok bio klasifikovan kao otpad i bio je spreman za potonuće, što je predstavljalo ključnu poslovnu opkladu za ONEX Group-u da ga sačuva i obnovi što je prije moguće.
Izvor: Shipping Telegraph
